ஐசிசி டிசம்பா் மாத சிறந்த வீரா்கள்பட்டியலில் மயங்க் அகா்வால்

சா்வதேச கிரிக்கெட் கவுன்சில் (ஐசிசி) டிசம்பா் மாத சிறந்த வீரா்கள் பட்டியலில் இந்தியாவின் மயங்க் அகா்வால், ஆஸி. வீரா் மிச்செல் ஸ்டாா்க், நியூஸி. வீரா் அஜாஸ் படேல் ஆகியோா் இடம் பெற்றுள்ளனா்.

ஒவ்வொரு மாதமும் சிறந்த வீரா்கள் பட்டியலை ஐசிசி வெளியிட்டு வருகிறது. இதன்படி கடந்த 2021 டிசம்பா் மாதத்தில் சிறப்பான ஆட்டத்திறனுக்காக வீரா்கள் தோ்வு செய்யப்பட்டுள்ளனா்.

இந்திய டெஸ்ட் ஓபனா் மயங்க் அகா்வால் நியூஸிலாந்துக்கு எதிரான டெஸ்ட் தொடரில் 2 அரைசதம், ஒரு சதம் என மொத்தம் 276 ரன்களை விளாசினாா். அவரது சராசரி 69.00 ஆகும்.

அஜாஸ் படேல்:

நியூஸிலாந்து சுழற்பந்து வீச்சாளா் அஜாஸ் படேல் இந்தியாவுக்கு எதிரான டெஸ்ட் தொடரில் ஓரே இன்னிங்ஸில் 10 விக்கெட்டுகளை வீழ்த்தினாா். இங்கிலாந்தின் ஜிம் லேக்கா், இந்தியாவின் அனில் கும்ப்ளே ஆகியோருக்கு பின் இச்சாதனையை நிகழ்த்திய மூன்றாவது வீரா் என்ற பெயரையும் பெற்றாா். அந்த டெஸ்ட் ஆட்டத்தில் மொத்தம் 14 விக்கெட்டுகளையும் வீழ்த்தினாா் அஜாஸ். அவரது சராசரி 16.07 ஆகும்.

மிச்செல் ஸ்டாா்க்:

ஆஸி. வேகப்பந்து வீச்சாளா் மிச்செல் ஸ்டாா்க், இங்கிலாந்துடன் நடைபெற்று வரும் ஆஷஸ் டெஸ்ட் தொடரில் சிறப்பாக பந்துவீசினாா். முதல் 3 ஆட்டங்களில் அவா் 14 விக்கெட்டுகளை சாய்த்தாா். அவரது பந்துவீச்சு சராசரி 19.64 ஆகும். பேட்டிங்கிலும் அவா் 117 ரன்களை சோ்த்து ரன் குவிப்புக்கு முக்கிய பங்காற்றினாா்.

 

.morefrom{width: 100%;margin:2% 0 2%;} .morefrom a{font-weight:bold;color: #ff0e03;} .morefrom span{font-size: 13px;}
<!–

–>