முகப் பருக்களுக்கு முழுமையான தீர்வு

ங்கிலத்தில் ACNE, PIMPLES, ACNE VULGARIS, ACNE ROSASEA, BLACK HEAD PIMPLES என்று வெவ்வேறு பெயர்களில் வெவ்வேறு விதமான பருக்கள் அழைக்கபடுக்கின்றன. ’ACNE’ என்பது கிரேக்கச் சொல். ‘Point’ (புள்ளி) என்பது அதன் பொருள். முகத்தோல் பரப்பில் புள்ளிகள் போல் தோன்றுவதால் Acne என்று பருக்கள் குறிப்பிடப் படுகின்றன.

மனித உடலைப் போர்த்தியுள்ள போர்வை சருமம். இது வெளிச் சூழலின் பல்வேறு பாதிப்புக்கள், கிருமிகள், வெப்பம் ஆகியவற்றிலிருந்து பாதுகாப்பு அளிக்கும் கவசம். உடற்கழிவுகளை வியர்வை மூலம் அகற்றி உடல் உஷ்ண சம நிலையை தோல் பாதுகாக்கிறது. முகம் போன்ற சில பகுதிகளிலுள்ள மென்மையான தோலின் அடிப்பகுதியில் கொழுப்பு சேமிப்பு கொண்ட தளர்ந்த இணைப்பு திசுக்கள் அடுக்கு உள்ளன. இந்த கொழுப்பு அடுக்கு பெண்கள் உடம்பில் சற்று அதிகம் உள்ளன.

தோலுக்கடியிலுள்ள SEBACEOUS GLANDS பருவ வயதில் (Teen age) தீவிரமாக செயல் படுகிறது. பருக்கள் தோன்றுகின்றன. 20 – 30 வயதுகளில் இவ்வேகம் படிப்படியாக குறைகிறது. பொதுவாக பருவ வயதில் உடலில் உள்ள அனைத்து சுரப்பிகளின் இயக்கமும் வேகமாக இருக்கும்.  தோலின் அடிப்பகுதியிலுள்ள கொழுப்புச் சுரப்பியும், வழக்கத்திற்கு மாறாக மிக அதிக அளவில்  இயங்கும். இச்சுரப்பு தோலின் மேல் பகுதியை அடைந்ததும், வியர்வை அசுத்தம் , உயிரணுக்களின் இறந்த செல்கள் இவற்றுடன் காற்றில் கலந்துள்ள  தூசிகள், கிருமிகள் எல்லாவற்றிடனும் சேர்ந்து படியும் இவைகளே முகப்பருக்களுக்கு முலக்காரணம்.சுரப்பிகளின் சுரப்புப் பணி இயல்பாக நடைபெற விடாமல் வியர்வை குழாய்களின் அடைப்புகள் ஏற்பட்டு தேக்க நிலை காரணமாக பருக்கள் அதிகரிக்கும். பருவகால உடல் மாற்றங்களால் ஏற்படும் பருக்கள் மருத்துவரீதியாக ஐந்து முக்கிய வகைகளாகப் பிரிக்கபட்டுள்ளன.

1.ACNE CONGLO BATE  – பெரிதாக வலியுடன் முகத்திலும் பின்புறக் கழுத்திலும் காணப்படுபவை.

2.EXCORIATED ACNE – சாதாரண பருக்களாக இல்லாமல் கடினப் பருக்களாக இருக்கும்.

3.MEDICA MENTOSA ACNE – மருந்து மாத்திரைகளால் ஏற்படும் பருக்கள், அயோடின் புரோமைடு மற்றும் சில மருந்துகளால் குறிப்பாக ஸ்டீராய்டு போன்றவை உபயோகிப்பதால்  வரக்கூடிய பருக்கள்.

4.ACNE COSMETICS – கூர் உணர்ச்சி மிக்க தோலில் ரசாயனக் கலவைகள் நிறைந்த அழகுப் பொருள்களை பயன்படுத்துவதால் வரக்கூடிய பருக்கள். தோலை விரிவுபடுத்தினால் வெண்ணிறப் புள்ளிகளாக தெரியும். சருமம் சோர்வுற்றுக் காணப்படும்.

5.OCCUPATIONAL ACNE  -தொழில் சூழ்நிலையில், எண்ணெய்கள், தார் அல்லது குளோரின் கலந்த பொருட்களால் ஏற்படும் பருக்கள்.

பருக்களை இவ்வாறு வகைப்படுத்திய போதிலும் அவற்றின் தோற்றம், இயல்பு, உபாதைகள் போன்ற குணம் குறிகளுக்கேற்பவே ஹோமியோபதியில் மருந்துகள் தேர்வு செய்யபடுகின்றன. சாதாரணப் பருக்கள் முதல் சீழ் பிடித்த பரு வரையிலும், பருக்கள் ஆறிய பின்னர் நீங்காது நிற்கும் விகாரமான தழும்புகள் வரையிலும் குணப்படுத்த கூடிய ஏராளமான மருந்துகள் ஹோமியோபதியில் உள்ளன. அவற்றில் சில

பெர்பெரிஸ் அஃகுபோலியம் (Berberis Aquifolium) –                                                அனைத்து வகைப் பருக்களுக்கும் ஏற்றது (Dry Pimples & Blotches)

யூஜீனியா ஜாம்(Eugenia Jam) – சாதாரண, கடின வகையிலான, வலியுடன் கூடிய பருக்கள் கருந்தலைப்பருக்கள். மாதவிடாயின் போது அதிகரிக்கும்.

காலிபுரோமேட்டம் (kali Bromatum) – பருவ வயதினருக்கு வரும் பருக்களுக்குச் சிறந்த மருந்து; அரிப்புள்ள பருக்கள் பருக்களுடன் பாலுணர்ச்சியும் நிறைந்திருக்கும்; பருக்கள் குணமான பின் தழும்புகள் அகலவும் இம்மருந்து உதவும்.

மெக்னீஷியம் மூரியாடிகம் (Magnesium Muriaticum) – மாணவிகளுக்கும், பருவப்பெண்களுக்கும் பயன்படும். மாதவிடாய் தோன்றுவதற்கு முன்பும், மலச்சிக்கலின் போதும் பருக்கள் தோன்றும். கடலில் குளித்த பின் அதிகரிக்கும்.

ஊஃபோரினம் [oophorinum ]– மாதவிடாய் நிற்கும் காலத்தில் வெடிக்கும் பருக்களுக்கும் இதரத் தோல் தொல்லைகளுக்கும் இம்மருந்து அற்புத பலனளிக்கும்.

பல்சடில்லா (Pulsatilla) – பருவமடையும் போது அதிகளவு ஏற்படும் பருக்கள் மற்றும் தாமதவிடாயுள்ள பெண்களிடம் மாதவிடாய் வருமுன்னர் தோன்றக் கூடிய பருக்களுக்கு ஏற்றது.

பெல்லடோனா (Belladonna) – சிவந்த பருக்கள் – வலி அல்லது எரிச்சல் இருக்கக் கூடும்.

ரேடியம் (Redium) – அரிப்பும், எரிச்சலும்,சிவந்த தன்மையும் உள்ள பருக்கள், அதிக எரிச்சல் இம்மருந்தின் சிறப்புக் குறி.

கல்கேரியாபாஸ் (Calcarea phos) – ரத்த சோகையுள்ள பருவ வயதுப் பெண்களிடம் (மாதவிடாய் தொல்லைகளுடன்) முகப்பருக்கள்.

நேட்ரம் மூர் (Netrum Mur) – எண்ணெய் வடியும் முகத்தோலுடன் பருக்கள்.

ஆஸ்டீரிபஸ் ரூப் (Asterias Rub) – மூக்கின் இருபுற ஓரங்களிலும், கன்னம் மற்றும் வாய்ப்பகுதிகளிலும் சிவந்த பருக்கள் பருவத்தினரின் அரிப்புடன் கூடிய பருக்களுக்கு ஏற்றது.

சிலிகா (Silica) – குளித்தவுடன் உடல்வாகு – மெழுகு பூசியது போன்றும் வெளுத்தும் காணப்படும் முகத் தோலில் கொப்புளங்கள் போன்ற ரோஸ் நிறப்பருக்கள்.

ஃபாகோபைரம் (Fagopyurm) – சிவந்த, புண் போன்ற சீழ் பருக்கள் – அரிப்பு இருக்கும் – முடி நிறைந்த பகுதிகளிலும் இப்பருக்கள் காணப்படும்.

ஹீபர்சல்ப் (Hepar sulp) – பெரிய சீழ்கோர்த்த பருக்களாக – பட்டாணி அளவுப் பருக்களாகக் காணப்படும்.

லேடம்பால் (Ledum Pal) – நெற்றியிலும் கன்னங்களிலும் சிவந்த பருக்கள்.

போராக்ஸ்(Borax) – மூக்கிலும் உதடுகளிலும் பருக்கள்.

ஆர்சனிகம் ஆல்பம் (Arsenicum Album) – கருநிறப் பருக்கள்.

ஜக்லன்ஸ் ரெஜ் (Juglans Reg) – கருந்தலைப் பருக்கள் மற்றும் சிவப்பான சீழ்ப்பருக்கள்.

பாஸ்பாரிக் ஆசிட் (Phosphoric Acid) –  சுய இன்பப் பழக்கமுள்ள இளம் வயதினருக்கு அடிக்கடி தோன்றும் பருக்கள்.

ஆர்ஸ் புரோம், சோரியம், யூஜீனியா – சிவப்பு நிற முகப்பருத் திட்டுக்கள்

டியூபர்குலினம் (Tuberculinam) –   நாட்பட்ட, பிடிவாதமான பருக்களுக்கு இம்மருந்தை 200 வீரீயத்தில் வாரம் 1 வேளை கொடுக்கலாம்.

கவர்ச்சிகரமான விளம்பரங்களால் ஈர்க்கப்பட்டு கடைகளில் விற்கும் முகப்பரு கிரீம்களை வாங்கிப் பயன்படுத்தி எவ்வித பலனுமின்றி முகத்தை மென்மேலும் அலங்கோலமக்கிக் கொள்பவர்கள் ஏராளம். ஹோமியோபதியில் கீழ்கண்ட மருந்துகளைத் தாய்திரவத்தில் (MOTHER TINCTURE) வாங்கி ஒவ்வொரு  மருந்தையும் சம அளவில் கலந்து ACNE FACE LOTION தயார் செய்து கொள்ளலாம். இது நம்பகமானது. இரவில் முகத்தைக் கழுவித் துடைத்த பின் சிறிது தேங்காய் எண்ணெய் எடுத்துக் கொண்டு ஹோமியோ லோஷனை சிறிது சேர்த்து முகத்தில் பூசிக் கொள்ளலாம். சில நாள் சிகிச்சையில் முகப்பருக்கள்  நீங்கும் முகத்தோல் பொலிவு பெறும்.

தேவைப்படும் ஹோமியோ மருந்துகள் :

பெர்பெரிஸ் அகுபோலியம் Q(Berberis Aqufolium) +வேடம் பால்Q(Ladum Pal) + எக்சினேஷியா Q (Echinacea)

கல்கேரியா பாஸ் 6 என்ற ஹோமியோ-பயோகெமிக் மாத்திரை சிலவற்றை சிறிது ஆறிய வெந்நீரில் கரைத்து இரவில் முகப் பருக்களில் மீது தடவி வரலாம். தினம் 3 வேளை 4 மத்திரைகள் வீதம் இதே மாத்திரைகளை சாப்பிடுவதும் நல்லது. விரைவில் பலன் கிட்டும். பருக்களின் தன்மைக்கேற்ப இச்சிகிச்சையை ஓரிரு வாரங்கள் தொடரலாம்.

முகப்பருக்களால் முகப்பொலிவு குறைந்து விட்டதாகக் கருதும் டீன்ஏஜ் பெண்களும் இளைஞர்களும் தன்னம்பிக்கை இழந்து மிகுந்து மனச் சோர்வுக்கு ஆளாவதுண்டு. அத்தகையவர்களுக்கு ஹோமியோபதி சிகிச்சையே சிறந்த முழுமையான தீர்வளிக்கிறது. மேலும் எண்ணெயில் பொரித்த உணவுகள், இனிப்புகள், ஐஸ்கிரிம்கள் சாப்பிடுவதைக் குறைக்க வேண்டும் தினம் நான்கைந்து தடவையாவது குளிர்ந்த நீரில் முகம் கழுவிச் சுத்தமாக்க வேண்டும்.

Dr.S..வெங்கடாசலம்,

மாற்றுமருத்துவ நிபுணர்,

சாத்தூர்.

செல் – 94431 45700  

Mail : alltmed@gmail.com

<!–

–>